කොළඹ LNW: හිටපු අමාත්‍ය රාජිත සේනාරත්න මහතා ලබන 09 වැනිදා දක්වා රක්ෂිත බන්ධනාගාර ගත කිරීමට කොළඹ මහේස්ත්‍රාත් අධිකරණය නියෝග කර තිබේ.
හිටපු ඇමතිවරයා අත්අඩංගුවට ගැනීම සඳහා පසුගිය 12 වැනිදා අධිකරණය විසින් වරෙන්තු නිකුත් කර තිබුණි.
දිගින් දිගටම අධිකරණයට පෙනී නොසිටීම හේතුවෙන් අල්ලස් හෝ දුෂණ චෝදනා විමර්ශන කොමිසමේ කරුණු දැක්වීම මතයි අධිකරණය විසින් සේනාරත්න මහතාට එරෙහිව වරෙන්තු නිකුත් කරන ලද්දේ.
අද දින මහාධිකරණයේ විභාග වූ නඩුවකට පෙනී සිටීම සඳහා හිටපු අමාත්‍යවරයා අධිකරණය පැමිණ සිටි අතර එහිදී ඔහුට එරෙහිව පැවති වරෙන්තුව හේතුකොටගෙන ලබන 01 වැනිදා දක්වා මහාධිකරණය විසින් ඔහුව රක්ෂිත බන්ධනාගාර ගතකරන ලදී.
අනතුරුව කොළඹ මහේස්ත්‍රාත් අධිකරණය වෙත ඉදිරිපත් කළේය.
ජායාරූප – අජිත් සෙනෙවිරත්න
