ආර්ථික අර්බුදය හේතුවෙන් මෙරට ළමයින් අතර ක්‍රමයෙන් වර්ධනය වන මන්දපෝෂණ තත්වය පිළිබඳව යුනිසෙෆ් සංවිධානය පසුගියදා වාර්තාවක් නිකුත් කර තිබිණි. අදාල වාර්තාවට අනුව ළමා මන්දපෝෂණය අතින් ශ්‍රී ලංකාව ලෝකයේම 06 වැනි ස්ථානයට පත්ව තිබෙනවා.
මෙම වාර්තාව සම්බන්ධයෙන් විපක්ෂ නායක සජිත් ප්‍රේමදාස මහතා අද පාර්ලිමේන්තුවේ අවධානය යොමු කළේය.
විපක්ෂ නායකයා එහිදී සඳහන් කළේ මෙය ඉතා බරපතල තත්වයක් බවයි. සමස්ත ලෝකයේම 06 වැනි තැනට මෙන්ම ආසියානු කලාපයේ ළමා මන්දපෝෂණය අතින් දෙවැනි ස්ථානයට පත්ව ඇති බව පෙන්වා දෙන සජිත් ප්‍රේමදාස මහතා පවසන්නේ මේ පිළිබඳව සෞඛ්‍ය බළධාරීන්ගේ කඩිනම් අවදානය යොමුවිය යුතු බවයි.
ආණ්ඩුවේ මැති ඇමතිවරුන් සඳහා නිළ නිවාස සකස් කිරීම වෙනුවෙන් රුපියල් ලක්ෂ 4000 ක් වෙන් කිරීමට කැබිනට් මණ්ඩලය තීරණය කර ඇති බව පෙන්වා දෙන විපක්ෂ නායකයා, එවැන කටයුතුවලට මුදල් වැය කිරීමට පෙර රටේ ජනතාවගේ කුසගින්න නිවා දැමීම සඳහා, විශේෂයෙන් අනාගත පරපුරරේ පෝෂණය සඳහා ක්‍රියාමාර්ග ගතයුතු බවද අවධාරණය කරනවා.
UN
