හිටපු ජනාධිපති මෛත්‍රීපාල සිරිසේන මහතාගේ පුත් දහම් සිරිසේන මහතා පොළොන්නරුව බටහිර මැතිවරණ බල ප්‍රදේශයේ ශ්‍රීලනිප සංවිධායකවරයා ලෙස පත්කර තිබෙනවා.
මෙම පත්වීමට අදාල ලිපිය ශ්‍රීලනිප සභාපති මෛත්‍රීපාල සිරිසේන මහතා අතින් ලබාගෙන තිබෙනවා.
පත්වීම් ලිපිය ලබා ගන්නා ඡායාරූපයක් සිය ෆේස්බුක් ගිණුමේ පළකරමින් දහම් සිරිසේන මහතා පවසන්නේ තමා කෙරෙහි විස්වාසය තැබූ සියලු දෙනාගේ විස්වාසය උපරිම අයුරින් ආරක්ෂා කිරීමට කටයුතු කරන බවයි. තමා වෙත පවරනු ලැබූ වගකීම ජනතාව වෙනුවෙන් උපරිම සේවයක් සිදු කිරීම සඳහා රුකුලක් වනු ඇති බවද ඔහු වැඩිදුරටත් පවසනවා.
දහම් සිරිසේන මහතා පොළොන්නරුව දිස්ත්‍රික්කයේ ශ්‍රීලනිප තරුණ පෙරමුණේ සභාපතිවරයා ලෙසද කටයුතු කරයි.
UN
