නිශ්මං රණසිංහ සැප්තැම්බර් 06, කොළඹ LNW:
නවසීලන්ත පුරාවෘත්තයක් සහ ICC ලෝක ටෙස්ට් ශූරතාවලියේ ජයග්‍රාහකයෙකු වන රොස් ටේලර්, ඕමානයේ පැවැත්වෙන 2026 ආසියා-නැගෙනහිර ආසියානු-පැසිෆික් T20 ලෝක කුසලාන සුදුසුකම් ලැබීමේ තරඟයේදී සැමෝවා නියෝජනය කිරීමට නියමිතයි.
2026 ICC පිරිමි T20 ලෝක කුසලානය සඳහා සැමෝවාගේ ගමනේ අවසාන පියවර වන සිකුරාදා උදෑසන නම් කරන ලද සංචිතයට ටේලර් ඇතුළත් විය. 2026 ආසියා-නැගෙනහිර ආසියානු-පැසිෆික් T20 ලෝක කුසලාන සුදුසුකම් ලැබීමේ තරඟය ඔක්තෝබර් 8 වන දින ආරම්භ වේ.
එහෙත් අප දන්න ටේලර් නවසීලන්තයයට පමණක් හිමි වුවත්,ඇත්තටම ටේලර් මෙලොවට බිහි කිරීමේ ගෞරවය අයිති සැමෝවා කාන්තාවකටය.ඒ ටේලර්ගේ අම්මා වන නාඕපු ලෝට්-ටේලර් ය. ෆැසිටෝ’ඕ උටා ගම්මානයෙන් පැමිණි ලියුපෙපේ යන පාරම්පරික සැමෝවා භාෂා නාමය දරන නාඕෆු,සිය පුතාට වයස 41 වන තැන උපන් බිම වෙනුවෙන් ඔහුව පරිත්‍යාග කරන්නට හැකි වීම ගැන සතුටුවනවාට සැක නැත.
ටේලර් සම්බන්ධ වන සැමෝවා ජාතික ක්‍රිකට් කණ්ඩායම 2000 දී ජාත්‍යන්තර ක්‍රිකට් කවුන්සිලයේ (ICC) අනුබද්ධ සාමාජිකයෙකු සහ 2017 දී සහකාර සාමාජිකයෙකු බවට පත්විය. කණ්ඩායම 2019 දී සම්පූර්ණ T20I තත්ත්වය ලබා ගත්තේය.
සැමෝවා යනු දකුණු පැසිෆික් සාගරයේ සුන්දර දූපත් ජාතියකි. එය නවසීලන්තය සහ හවායි අතර ඒවාට ආසන්නයෙන් පිහිටා ඇත.එහි සමීපතම අසල්වැසියන් වන්නේ ඇමරිකානු සැමෝවා, ෆීජි, ටොන්ගා, නියු සහ වොලිස් සහ ෆුටූනා ය. රග්බි ක්‍රීඩාව සැමෝවා හි ජනප්‍රියම ක්‍රීඩාව වන අතර, ක්‍රිකට් ක්‍රීඩාව ද ජනප්‍රියත්වයෙන් වර්ධනය වන පැවැත්මක් රට තුළ පවතී.
දැන් කණ්ඩායම වෙනුවෙන් ක්‍රීඩා කරන හිටපු නවසීලන්ත තරුවක් වන රොස් ටේලර් මෙන්ම ආකර්ෂණීය පිතිකරණ වාර්තා පිහිටුවා ඇති ඩේරියස් විසර් ද සැමෝවා කණ්ඩායමට ප්‍රබලතම අවි ය.
