සටහන – නිශ්මං රණසිංහ
සැප්තැම්බර් 08, (LNW) කොළඹ :
පැරිස් පැරා ඔලිම්පික් ක්‍රීඩා උළෙලේ එෆ් 63 යගුලිය ඉසව්වෙන් තරග කළ පාලිත බණ්ඩාර එම ඉසව්වේ පස්වන තැනට පත් වුණා.පාලිතට මෙහිදී පදක්කමක් අහිමි වුණ ද සිය හොඳම පෞද්ගලික දක්ෂතාවය මීටර් 14.51 ක් දක්වා රැඟෙන යාමට හැකි වුණා.
ටෝකියෝ පැරා ඔලිම්පික් ක්‍රීඩා උළෙලේ දී මීටර් 13.40 ක දක්ෂතාවයක් දැක් වූ පාලිත මෙවර ඔහුගේ ඉසව්ව තුළ වර්ධනය මොනවට ඔප්පු කරමින් වීසි කිරීම් හයෙන් පහක්ම මීටර් 14 න් එපිට රඳවන්නට සමත් වුණා.පස්වන වීසි කිරිම පමණක් මීටර් 13.91 ක් ලෙස සටහන් වුණා.
මේ සමග පාලිත තරගයේ දී සිය උත්සාහයන් හය තුළ දැක් වූ දක්ෂතාවයන් දැක්වෙන ඡායාරූප සටහනක් ද පැරිස් පැරා ඔලිම්පිත් නිල වෙබ් අඩවියෙන් ගෙන සකසා ඡායාරූපයක් ලෙස දක්වා තිබෙනවා.
