රටේ පවතින ආර්ථික අර්බුදය හමුවේ වෛද්‍යවරුන් විශාල වශයෙන් රටහැර යාමට පටන්ගෙන ඇති බව රජයේ වෛද්‍ය නිලධාරීන්ගේ සංගමය පවසයි.
“මේ ගෙවුණු මාස 8ක කාලය තුළදී මේ රටේ සෞඛ්‍ය සේවාව, රෝහල් පද්ධතිය ඇතුළෙ හිටපු වෛද්‍යවරුන් ආසන්න වශයෙන් 500ක පමණ පිරිසක් මේ වනවිට ශ්‍රී ලංකාව හැරදා ගිහිල්ලා තියෙනවා. මේක සැලකියයුතු බරපතළ කාරණයක්. ගෙවුණු මාස දෙකක පමණ කාලය තුළදී විශේෂයෙන් මේ වෛද්‍යවරුන් අවසානයේදී මේ තියෙන තත්වයත් එක්ක තමන්ගෙ වෘත්තීය අතහැරලා දාලා, මේ වෙනත් රටකට විදෙස්ගත වෙන්නේ තමන්ගේ රැකියාව අත්හැරලා දාලා, සමහර වෙලාවට සෞඛ්‍ය අමාත්‍යාංශයට දැනුම් දීමකින් තොරව. ඒ නිසා සේවය අත්හැර යාමේ නිවේදන නිකුත් කරන්න වෙච්ච ප්‍රමාණය 50කට වැඩියි. මේ සංඛ්‍යාලේඛන කිහිපයක් පමණයි”
රජයේ වෛද්‍ය නිලධාරීන්ගේ සංගමය විසින් ඊයේ (09) පැවත්වූ මාධ්‍ය හමුවකදී එම සංගමයේ නියෝජිතයකු මේ බව ප්‍රකාශ කළේය.
RN
