ඉසිත වාසිදායක තැනකට ශ්‍රී ලංකාව රැඟෙන යයි

සටහන – නිශ්මං රණසිංහ
සැප්තැම්බර් 11, (LNW) කොළඹ :

ශ්‍රී ලංකා ඒ කණ්ඩායමේ දකුණු අප්‍රිකානු ක්‍රිකට් සංචාරයේ පළමු නිල නොවන ටෙස්ට් තරගයේ අවසාන දිනය වන අද දවසේ ශ්‍රී ලංකාව කඩුලු 9 ක් අතැතිව ජයග්‍රහණයට ලකුණු 140 ක් අවශ්‍යව සිටියි.පළමු ඉණිමේ දී දකුණු අප්‍රිකාව ලබා ගත් ලකුණු 372 ට පිළිතුරු ලෙස ලකුණු 323 ක් ලබා ගත් ශ්‍රී ලංකාව ලකුණු 49 ක් පිටුපසින් සිටියදී සිය දෙවන ඉණිම ඇරඹූ දකුණු අප්‍රිකාවට නොසිතූ විනාශයක් ළඟා කළ ඉසිත විජේසුන්ද ලකුණු ලකුණු 34 ට කඩුලු 7 ක් දවා ගනිමින්,දකුණු අප්‍රිකාවේ දෙවන ඉණිම ලකුණු 124 ට සීමා කරන්නට සමත් වුණා.

පළමු ඉණිමේ දී පන්දුවෙන් දකුණු අප්‍රිකාවට බාධා කළ ඒෂාන් මාලිංග ද,ලකුණු 28 ට කඩුලු 2 ක් දවා ගනිමින් ඉසිතගේ උත්සාහයට දායක වුණා.නිශාන් පීරිස් ලකුණු 30 ට එක් කඩුල්ලක් ද එකතු කර ගැනීමට සමත් වූ අතර ටෙස්ට් ක්‍රීඩක චාමික ගුණසේකරට කඩුලු ලබා ගන්නට හැකියාව ලැබුණේ නැහැ.
දකුණු අප්‍රිකා ඉණිමේ වැඩිම ලකුණුලාභියා වූ බෙයර්ස් ස්වාන්පෝල් ලකුණු 38 ක් රැස් කළ අතර මාර්කස් එක්ර්මන් ලකුණු 27 ක් රැස් කරන්නට සමත් වුණා.ශ්‍රී ලංකාව ලකුණු 140 ක් පිටුපසින් ජයග්‍රහණය සොයා යන ගමනේ නැවතී සිටින්නේ ලහිරු උදාර ගේ (26) කඩුල්ල පමණක් අහිමි කර ගනිමින්.මේ වන විට ශ්‍රී ලංකා ලකුණු පූවරුව එක් කඩුල්ලක් දැවී ලකුණු 34 ක් ලබා සිටිනවා.තරගයේ ලකුණු පූවරුවට පහතින් පිවිසිය හැකියි.
https://es.pn/3XiawWa