රෂිකා හෙන්නායක සැප්තැම්බර් 13, කොළඹ (LNW):
රටේ පවතින තත්ත්වයට තම පක්ෂය හැර අනෙකුත් සියලුම දේශපාලන පක්ෂ වගකිව යුතු බව හා අවිගත් කැරැල්ලට තමන්ගේ කිසිඳු සම්බන්ධයක් නැති බව මවා පාමින් ජනතා විමුක්ති පෙරමුණ අද ජනතාව රවටමින් සිටින බව ජනාධිපති රනිල් වික්‍රමසිංහ මහතා පවසනවා.
මෙරට සංවිධානාත්මක අපරාධ කල්ලි සහ මත්ද්‍රව්‍ය මුලුමනින්ම තුරන් කරන පාලන ක්‍රමයක් ජාතික ජනබලවේග රජයක් තුළ ඇති කරන බව ජනාධිපති අපේක්ෂක අනුර කුමාර දිසානායක මහතා පවසනවා.
දකුණේ දරුවන්ට හිමි සියලු දේ උතුරේ දරුවන්ට ද ලබාදීම තම අරමුණ බව ශ්‍රී ලංකා පොදුජන පෙරමුණේ ජනාධිපති අපේක්ෂක පාර්ලිමේන්තු මන්ත්‍රී නාමල් රාජපක්ෂ මහතා පවසනවා.
ජනාධිපතිවරණයට අදාළ සියලු ප්‍රචාරක කටයුතු එළඹෙන 18 දා මධ්‍යම රාත්‍රියෙන් අවසන් කළ යුතු බව මැතිවරණ කොමිෂන් සභාව දැනුම් දෙනවා. ඉන්පසු කිසිඳු දේශපාලන පක්ෂයකට, අපේක්ෂකයෙකුට, ආධාරකරුවෙකුට අදාළ ආකාරයට ප්‍රචාරක කටයුතුවල නියැලීම තහනම්.
බටහිර රටවල් යුක්‍රේනයට දිගු දුර මිසයිල ලබාදුනහොත් ඔවුන් රුසියාව සමඟ සෘජු යුද ගැටමුක් ආරම්භ කළා සේ සලකන බවට රුසියා ජනාධිපති ව්ලැඩිමීර් පුටින් අනතුරු අඟවනවා
අදත් එක්වන්න උදෑසන පුවත් සමඟින්…..
