නිශ්මං රණසිංහ සැප්තැම්බර් 13, කොළඹ LNW:
ශ්‍රී ලංකා අවුරුදු 19 න් පහළ කණ්ඩායමේ කොදෙව් සංචාරයේ තරග හතකින් යුතු එක්දින තරගාවලියේ හයවැන්න නිමාවන විට ශ්‍රී ලංකා කණ්ඩායම පසුපසට ඇඳ දමමින් තරගාවලියේ ජය කොදෙව් තරුණයන් විසින් අත්පත් කර ගනු ලැබුවා.හයවන තරගයේදි ද කාසියේ වාසිය දිනූ කොදෙව් නායක ජොෂුවා ඩෝර්නේ පළමුව පන්දුවට පහරදීමට ශ්‍රී ලංකා කණ්ඩායමට ආරාධනා කළා.විරාන් චමුදිත (88) සහ දිමන්ත මහවිතාන (49) පළමු කඩුල්ලට ලකුණු 114 සබදතාවයක් පවත්වමින් හොඳ ආරම්භයක් ලබා දුන් අතර එයට මැද පෙළින් නායක විමත් දින්සර එක් කළ නොදැවී ලකුණු 58 ත් සමඟ ශ්‍රී ලංකා ඉණිම කඩුලු 7 ට ලකුණු 286 ක් දක්වා ඉහළට නැඟුණා.
පිළිතුරු ඉණිමේදී නායක ජෙෂුවා ලකුණු 95 ක් ලබා ගනිමින් ද,තමන් ලකුණු අතර සිටින බව පැහැදිළි කළ ජොනතන් වැන් ලේන්ජ් ලකුණු 50 ක් ලබා ගනිමින් ද,කොදෙව් කණ්ඩායම ජයග්‍රහණය වෙත සමීප කළා.අවසාන මොහොතේදී වේගවත් ලකුණු 21 ක් නොදැවී ලැබූ සකුවාන් බෙල්ලේ ද සමඟ කොදෙව් කණ්ඩායම තරගයේ 49 වන ඕවරයේ සිව්වැනි පන්දුවේදී කොදෙව් ලකුණු පූවරුව කඩුලු 7 ට ලකුණු 289 ක් බවට පත් ළා.නැවතත් මේ තරගාවලියේ සිටින විශිෂ්ඨතම පන්දු යවන්නා තමන් බව තහවුරු කළ විග්නේෂ්වරන් ආකාශ් ලකුණු 41 ට කඩුලු 3 ක් දවා ගනිමින් කොදෙව් ලකුණු පූවරුවට විශාල බලපෑමක් ඇති කළා.
කොදෙව් කණ්ඩායමේ තරගාවලි ජය සනාත කරමින් ලකුණු 95 ක් රැස් කළ කොදෙව් නායක ජොෂුවා ජොර්නෙ ඡායාරූපයේ දැක්වෙනවා.
