සටහන: සශිකලා මධුෂාණී
ලෝකය(අවුට්බවුන්ඩ් ටුඩේ) සැප්තැම්බර් 15 : නේපාලයට බලපෑ දැඩි ග්ලැසියර ගංවතුර හේතුවෙන් එරට ජල විදුලි ව්‍යාපෘති රැසකට හානි සිදුවීමත් සමඟ, හදිසි විදුලි අවශ්‍යතා සපුරාලීම සඳහා ඉන්දියාවෙන් දිනකට මෙගාවොට් 654ක විදුලි බලයක් සැපයීමට තීරණය කර තිබේ.
ගංවතුර හේතුවෙන් නේපාලයේ විදුලි උත්පාදන ධාරිතාවට දැඩි බලපෑමක් එල්ල වී ඇති අතර, එම තත්ත්වය හමුවේ ඉන්දියාවේ විදුලි සැපයුම නේපාලයේ බලශක්ති අවශ්‍යතා පවත්වාගෙන යාමට වැදගත් වනු ඇත.
හදිසි අවශ්‍යතාව මත ලබාදෙන මෙම විදුලි සැපයුම මගින් ගංවතුරෙන් හානි වූ ජල විදුලි ව්‍යාපෘති යථා තත්ත්වයට පත් කරන තෙක් නේපාලයේ විදුලි පද්ධතියට සහාය ලබාදීමට හැකි වනු ඇතැයි අපේක්ෂා කෙරේ.
ග්ලැසියර ආශ්‍රිත ගංවතුර සහ අධික ජල ප්‍රවාහ හේතුවෙන් නේපාලයේ ජල විදුලි යටිතල පහසුකම්වලට සිදුව ඇති හානි, එරට බලශක්ති සැපයුමට දැඩි අභියෝගයක් බවට පත්ව තිබේ.
