නෙළුම් කුලුන ඊයේ දින සිට මහජන ප්රදර්ශනය සඳහා විවෘත වූ අතර පළමු දිනයේදීම විශාල ප්රමාණයක් එය නැරඹීම සඳහා පැමිණ තිබෙනවා.
නෙළුම් කුලුන නැරඹීමට පැමිණි භික්ෂූන් වහන්සේ නමක් මාධ්ය වෙත පවසා තිබෙන්නේ නෙලුම් කුලුනේ උඩට ගියපසු මානසික ආතතිය දුරු වූ බවයි. ඊට හේතුව නෙළුම් මලෙන් සංකේතවත් වන්නේ බුදුරජාණන් වහන්සේ නිසා බවයි එම භික්ෂූන් වහන්සේ පෙන්වා දෙන්නේ.
‘කොටින්ම කියනව නං තුසිත දිව්යලෝකෙ ලඟටම ගිහින් ආවා වගේ හැඟීමක් තමයි නෙළුම් කුලුනට නැගලා බැස්සම දැනෙන්නෙ’ යනුවෙන් එම භික්ෂූන් වහන්සේ සිය අත්දැකීම විස්තර කර තිබේ.
මානසික සතුටට අමතරව දැනුම හා විනෝදය ලබාගත හැකි බවද පෙන්වා දෙන එම භික්ෂූන් වහන්සේ ජනතාවගෙන් ඉල්ලා සිටින්නේ මෙම ස්ථානය අපවිත්ර නොකර ආරක්ෂා කර ගැනීමට කටයුතු කරන ලෙසයි.
UN
