උපායමාර්ගික ආරක්ෂාව හා උපදේශන පිළිබඳව සාකච්ජා කිරීමට චීනයේ ඉහළ පෙළේ රාජ්‍ය තාන්ත්‍රිකයෙකු වන වැන්ග් යී රුසියාව බලා යාමට සුදානම් වන බව චීනයේ විදේශ අමාත්‍යාංශය වාර්තා කර තිබේ.
මෙහිදී යුක්රේන යුද්ධය පිළිබඳව සාකච්ජා කිරීම මුලික වශයෙන් සිදු කිරීම අපේක්ෂා කෙරෙන අතර රුසියානු මාධ්‍ය පැවසුවේ වැන්ග් මහතාගේ සංචාරය නුදුරේදීම ජනාධිපති ව්ලැඩිමීර් පුටින්ගේ චීන සංචාරයට ද මග පාදනු ඇති බවයි.
මෙය සිදු වන්නේ පුටින් මහතා උතුරු කොරියාවේ කිම් ජොන් උන් හමුව ඔවුන් ආයුධ ගනුදෙනුවක් සිදු කළ හැකි බවට පැතිර යන සැක සංකා මධ්‍යයේය. මෙම වසර මුලදී වෑන්ග් මහතා අවසන් වරට මොස්කව් වෙත ගොස් පුටින් මහතා හමුවූ අවස්ථාවේදී ඔහු විසින් යුක්රේනයේ සාමය වෙනුවෙන් කරුණු 12කින් යුත් සැලැස්මක් ඉදිරිපත් කරන ලදී.
චීනය විසින් රුසියානු බලශක්ති අපනයන මිල දී ගැනීම්, රුසියාව සමඟ ගනුදෙනු වලදී මිලිටරි ද්‍රව්‍යන් සම්පාදනය කරන බවට ඇමරිකා එක්සත් ජනපදය විසින් චෝදනා කරන අතර චීනය එවැනි චෝදනා නිරන්තරයෙන් ප්‍රතික්ෂේප කර තිබේ. ඔවුන් අවධාරණය කර ඇත්තේ යුද්ධය සම්බන්ධයෙන් ඔවුන් මැද මාවතක ගමන් කරන බවයි.
සශිකලා මධුෂාණි -outboundtoday
