විදුලි ගාස්තු සංශෝධනය හේතුවෙන් මේ වනවිට රටතුළ මතුව ඇති ගැටලු පිළිබඳව අද පාර්ලිමේන්තුවේ අවධානය යොමු විය. විපක්ෂය විදුලිබල ඇමතිවරයාගෙන් ඉල්ලා සිටියේ ආගමික ස්ථානවලට සහ අඩු ආදායම්ලාභී පවුල්වලට සහන ලබාදීම කෙරෙහි අවධානය යොමු කරන ලෙසයි.
පාර්ලිමේන්තු සංකීර්ණයේ විදුලි බිලද රුපියල් ලක්ෂ 60 ක් දක්වා ඉහළ ගොස් ඇති බව අද අනාවරණය විය. සමගි ජන බලවේගයේ පාර්ලිමේන්තු මන්ත්රී අජිත් මාන්නප්පෙරුම මහතා යොමුකළ ප්රශ්නයකට ප්රතිචාර දක්වමින් විදුලිබල හා බලශක්ති ඇමතිවරයා මේ බව සඳහන් කළේය.
පාර්ලිමේන්තුවේ විදුලි පිරිවැය අවම කර ගැනීම සඳහා සූර්යකෝෂ මගින් විදුලිය ලබා ගැනීමේ ක්රමවේදයක් සකස් කරන ලෙස ඇමතිවරයාගෙන් ඉල්ලා සිටින අතර එය ඉතා හොඳ යෝජනාවක් බව ඇමතිවරයා ප්රකාශ කළේය.
කෙසේ නමුත් ඒ සඳහා තම අමාත්යංශය හරහා මුදල් වෙන්කර නොහැකි බවයි ඇමතිවරයා සඳහන් කළේ. කෙසේ නමුත් සූර්ය බලය භාවිතා කිරීමට අදාල තාක්ෂණික සහාය ලබාදිය හැකි බවද කංචන විජේසේකර මහතා පැවසීය.
UN
