කොළඹ LNW:චීන-ඇමරිකා ආර්ථික හා වෙළඳ කණ්ඩායම් අතර සාකච්ඡාවක් ඊයේ(20) ඇමරිකාවේ නිව්යෝර්ක්හිදී පැවැත්වුණා. ඒ චීන උප අගමැති He Lifeng මහතා, ඇමරිකානු මුදල් ලේකම් Scott Bessent මහතා සහ එරට වෙළඳ නියෝජිත Jamieson Greer මහතාගේ ප්‍රධානත්වයෙන්.
දෙරට නායකයින්ගේ එකඟතාවන්ට අනුව අන්‍යෝන්‍ය ගෞරවය, සාමකාමී යහපැවැත්ම, පොදු ජයග්‍රහණය පිළිබඳ මූලධර්මය මත එම සාකච්ඡා පවත්වා තිබෙනවා.
මීට පෙර පැවති සාකච්ඡාවලින් ලද පොදු අදහස් හා ද්විපාර්ශ්වික වෙළඳ ආයෝජනය ප්‍රවර්ධනය කිරීම ඇතුළු පොදු අවධානයට ලක් වන ආර්ථික හා වෙළඳ කරුණු සම්බන්ධයෙන් දෙපාර්ශ්වය අදහස් හුවමාරු කර ගෙන ඇති බවයි වාර්තා වන්නේ. කෘත්‍රිම බුද්ධි තාක්ෂණයට අදාළ ගැටලු සම්බන්ධයෙන් ද එහිදී සාකච්ඡා කර තිබෙනවා.
දිනූෂි ධීරසිංහ
