රෂිකා හෙන්නායක සැප්තැම්බර් 22, කොළඹ (LNW):
අද (22 වැනිදා) පස්වරුව වන විටදී ජනාධිපතිවරණ ඡන්ද විමසීමේ ප්රතිඵල ලබාදී අවසන් කිරීමට හැකිවනු ඇතැයි මැතිවරණ කොමසාරිස් ජනරාල් සමන් ශ්රී රත්නායක කියා සිටී.
යම් අපේක්ෂකයකු සියයට 50 ක ඡන්ද ප්රතිශතයක් සහ තවත් එක් ඡන්දයක් ලබා ගතයුතු අතර, කිසිදු අපේක්ෂකයකු එම ඡන්ද ප්රතිශතය ලබාගෙන නොමැති නම් මනාප ගණන් කිරීමට සිදුවන බව මැතිවරණ කොමිසම පවසයි.
මේ වනවිට, මනාප ගණන් කිරීමේ කටයුතු සඳහා නිලධාරීන් සූදානම් කර ඇතැයි ද මැතිවරණ කොමසාරිස් ජනරාල්වරයා පවසන අතර, සමස්ත මැතිවරණ ප්රතිඵලය නිකුත් කිරීමෙන් අනතුරුව ජනාධිපතිධුරය සඳහා සුදුසුකම් ලැබූ අපේක්ෂකයා කවුදැයි ප්රකාශයට පත්කිරීමට නියමිතය.
ජනාධිපතිවරණයට අදාළව මැතිවරණ කොමිෂන් සභාවට ලැබී ඇති පැමිණිලි සංඛ්යාව 5,200 ඉක්මවා ඇත.
මෙම පැමිණිලිවලින් 34 ක් ප්රචණ්ඩ ක්රියා බවත් මැතිවරණ නීති උල්ලංඝනය කිරීම්වලට අදාළව ලැබී තිබෙන පැමිණිලි සංඛ්යාව 5,050 ඉක්මවා ඇති බව වාර්තා වේ.
