රෂිකා හෙන්නායක සැප්තැම්බර් 22, කොළඹ LNW :
‘ගෝඨා ගෝ ගම’ නඩුව සඳහා විනිසුරුවන් තිදෙනෙකුගෙන් සමන්විත මහාධිකරණ විනිසුරු මඩුල්ලක් පත් කරන ලෙස නීතිපතිවරයා විසින් අගවිනිසුරුවරයාගෙන් ලිඛිතව ඉල්ලීමක් කර තිබේ.
‘ගෝඨා ගෝ ගම’ විරෝධතා භූමියට එල්ල වූ බව කියන ප්‍රහාරය සම්බන්ධයෙන්, හිටපු පොලිස්පති දේශබන්දු තෙන්නකෝන් සහ හිටපු අමාත්‍ය ජොන්ස්ටන් ප්‍රනාන්දු ඇතුළු විත්තිකරුවන් 20 දෙනෙකුට එරෙහිව අධිචෝදනා ගොනු කිරීමට නියමිතය.
චෝදනා 328ක් යටතේ මෙම අධිචෝදනා ගොනු කරන බව නීතිපති දෙපාර්තමේන්තුව ප්‍රකාශ කළේය. එමෙන්ම, ‘ගෝඨා ගෝ ගම’ විරෝධතා භූමියට එල්ල වූ බව කියන ප්‍රහාරය අතරතුර පුද්ගලයින් 56 දෙනෙකුට බරපතල තුවාල සිදු කිරීම සම්බන්ධයෙන් ද අධිචෝදනා ගොනු කරන බව එම දෙපාර්තමේන්තුව වැඩිදුරටත් සඳහන් කළේය.
