සටහන: සශිකලා මධුෂාණි
සැප්තැම්බර් මස 23: ලෝකය(අවුට්බවුන්ඩ් ටුඩේ): පකිස්ථානයට බලපෑ අඛණ්ඩ ගංවතුර තත්වය හේතුවෙන් කොළරා තත්වය ඉහල යනු ඇතැයි එරට සෞඛ්‍ය විශේෂඥයින් අනතුරු අඟවා තිබේ.
එක්සත් ජාතීන්ගේ සංවිධානයට අනුව, ජූනි මස අග සිට, බලපෑ වර්ෂාධික ගංවතුර සහ නායයෑම් තත්වය හේතුවෙන් මිලියන 6 කට අධික ජනතාවක් පීඩාවට පත් ව පුද්ගලයින් 1,000 කට වැඩි පිරිසක් මිය ගොස් තිබේ.
රටතුල අවතැන් කඳවුරු සංඛ්‍යාව වැඩිවීම නිසා, එවැනි ස්ථානවල අපිරිසිදු තත්වයන් ආසාදන අවදානම සැලකිය යුතු ලෙස වැඩි කළ හැකි බව බෝවන රෝග විශේෂඥන් සඳහන් කර ඇති අතර කොලරාව යනු දූෂිත ආහාර සහ ජලය හරහා සම්ප්‍රේෂණය වන බැක්ටීරියා ආසාදනයකි. එය දරුණු පාචනය, වමනය සහ මාංශ පේශි කැක්කුම ඇති කළ හැකිය. ප්‍රතිකාර නොමැතිව පැය කිහිපයක් ඇතුළත එය මරා දැමිය හැකිය.
දේශගුණික ආපදාවන්ට ලක්විය හැකි රටවල් 10 අතර පාකිස්ථානයද ඉහලින්ම ඇති අතර උෂ්ණත්වය ක්‍රමයෙන් ඉහළ යාම නිසා මේවන විට පකිස්ථානයේ 13,000 කට අධික ග්ලැසියර දියවීම, ගංවතුර අවදානම, යටිතල පහසුකම් වලට හානි වීම, ජීවිත හා ඉඩම් අහිමි වීම, ප්‍රජාවන්ට තර්ජන සහ ජල හිඟය වැඩි වී ඇත.
