Tuesday, October 4, 2022

Latest Posts

විරෝධය නොතකා ඉන්ධන ආනයනය, බෙදාහැරීම පෞද්ගලික අංශයට – දෙසැම්බර් සිට ක්‍රියාත්මකයි

පවතින ඉන්ධන අර්බුදයට විසඳුමක් ලෙස පෞද්ගලික අංශයට ඉන්ධන ආනයනය කිරීම හා බෙදාහැරීම සඳහා අවසර ලබාදීමට විදුලිබල හා බලශක්ති අමාත්‍යංශය තීරණය කර තිබෙනවා. ලබන නොවැම්බර් අවසානය වනවිට ඒ සඳහා සුදුසු සමාගම් තෝරා අවසන් කිරීමටයි සැළසුම් කර තිබෙන්නේ.

මේ සඳහා සුදුසු සමාගම් තෝරා ගැනීම වෙනුවෙන් පුවත්පත් දැන්වීම් පළකර තිබූ අතර සමාගම් 24 ක් ඒ සඳහා ඉදිරිපත්ව සිටිනවා. ඉදිරියේදී මෙම සමාගම් පිළිබඳව සලකා බැලීමෙන් අනතුරුව වඩාත් සුදුසු සමාගම් කිහිපයකට ඉන්ධන ආනයනය සහ බොදාහැරීම සඳහා අව්සථාව හිමි වේ.

මේ වනවිට ඛනිජ තෙල් සංස්ථාව යටතේ ක්‍රියාත්මක ඉන්ධන පිරවුම්හල් 1250 න් කොටසක් පෞද්ගලික අංශය හරහා ආනයනය කරන ඉන්ධන අලෙවිය සඳහා ලබාදෙනු ඇත.

දැනට රජයට අමතරව ඉන්ධන අලෙවිය සිදු කරන ලංකා ඉන්දියන් ඔයිල් සමාගමේ ඉන්ධන පිරවුම්හල් ප්‍රමාණය සියයකට ආසන්න සංඛ්‍යාවකින් ඉහළ දැමීම සඳහා අවසර ලබා දී ඇති අතර පෞද්ගලික අංශයට තවත් ඉන්ධන පිරවුම්හල් ප්‍රමාණයක් වෙන් කිරීමත් සමග ඉන්ධන කර්මාන්තය තුළ රාජ්‍ය මැදිහත්වීම සැළකිය යුතු ප්‍රමාණයකින් අවම වනු ඇත.

UN

Latest Posts

spot_img

Don't Miss

Stay in touch

To be updated with all the latest news, offers and special announcements.