සටහන – රෂිකා හෙන්නායක
කොළඹ (LNW): මහත් ආන්දෝලනාත්මක කරුණක් වූ, එක්ස්ප්රස්පර්ල් නෞකා අනතුරට අදාළ අතුරු ගෙවීම් මෙරටට ලැබී ඇති බව නීතිපති දෙපාර්තමේන්තුව පවසයි.ඒ යටතේ ඩොලර් 878,650යි සත 53ක් මහා භාණ්ඩාගාර ගිණුමට තැන්පත් කර ඇති බව එම දෙපාර්තමේන්තුව සඳහන් කරයි.
ඉතිරි රුපියල් මිලියන 16 ඉදිරියේදී ලැබීමට නියමිත අතර,එම මුදල සමුද්රීය පරිසර ආරක්ෂණ අධිකාරියේ වියදම් වෙනුවෙන් ලැබී ඇති බව පැවසේ.
නෞකා සමාගමේ රක්ෂණ සමාගම සමග පසුගියදා ඇති කරගත් එකඟතාවකට අනුව එම අතුරු ගෙවීම් හිමිවී ඇති අතර, ධීවරයින්ට සිදුවූ හානිය වෙනුවෙන් ද වන්දි මුදලක් ඉල්ලා ඇතැයිද ,ඒ සම්බන්ධයෙන් අදාළ රක්ෂණ සමාගම සළකා බලමින් සිටින බවද නීතිපති දෙපාර්තමේන්තුව පවසයි.
රටපුරා සියලු තොරතුරු දැනගන්න එක්වන්න අපගේ Whatsapp Newsroom වෙත??
