කොළඹ LNW:ප්රධාන වශයෙන්ම සමඟි ජන බලවේගය හා එකමුතුව ඉදිරිය සැලසුම් කිරීමට අපේක්ෂා කරන බව එක්සත් ජාතික පක්ෂයේ නවීන් දිසානායක මහතා පැවසුවේය.
ඒ, අද (27) කොළඹ මල් පාරේ පිහිටි මැතිවරණ කාර්යාලයේ රනිල් වික්රමසිංහ මහතාගේ ප්රධානත්වයෙන් සංවිධානය කර තිබුණු රැස්වීමට පැමිණි අවස්ථාවේදීය.
සජබය හා UNP යනු එකම පාක්ෂික පිරිසක් වන හෙයින් එම ජන්ද දෙකම එකතු කිරීමෙන් දැනට පවතින තත්ත්වය අනුව ජාතික ජන බලවේගයට වඩා ජන්ද තිබෙන බවයි මාධ්යවේදීන් කළ ප්රශ්න කිරීම්වලට පිළිතුරු දෙමින් දිසානායක මහතා සඳහන් කළේ.
රනිල් වික්රමසිංහ මහතා මැතිවරණයට තරඟ නොකිරීමත් ජාතික ලැයිස්තුවෙන් හෝ පාර්ලිමේන්තු පැමිණීමට අපේක්ෂා නොකිරීම තුළ සජිත් ප්රේමදාස මහතාගේ අගමැතිකම ප්රමෝට් කරන බව ඔහු ප්රකාශ කරන ලදී.
සජබය සමඟ එකඟ වන්නේ නම් එම ස්ථාවරය පිළිගැනීමට සිදුවන බවද ඔහු පැවසුවේය.
එලෙස බහුතරයක් කැමති බව පෙනෙන්නට ඇති බවත් නවීන් දිසානායක මහතා වැඩිදුරටත් ප්රකාශ කළේය.
ආශිකා බ්රාහ්මණ
