අල්ලස් කොමිසම විසින් අත් අඩංගුවට ගෙන රක්ෂිත බන්ධනාගාරගත කර සිටි ජාතික ගමනාගමන කොමිසමේ හිටපු සභාපති, ශ්රී ලංකා පොදුජන පෙරමුණේ පාලක ලේකම් රේණුක පෙරේරා ඇප මත මුදාහැරීමට කොළඹ ප්රධාන මහේස්ත්රාත් අසංග එස්. බෝදරගම නියම කර තිබේ.
ඒ අද (29) ඔහුව කොළඹ මහේස්ත්රාත් අධිකරණයට ඉදිරිපත් කළ අවස්ථාවේදීය.
සැකකරු රුපියල් ලක්ෂ 50 බැගින් වූ ශරීර ඇප දෙකක් මත මුදා හැරීමට නියම කළ මහේස්ත්රාත්වරයා ඔහුගේ විදෙස් ගමන් තහනම් කිරීමටත් නියෝග කළේය.
1991 අංක 37 දරන ජාතික ගමනාගමන කොමිෂන් සභා පනතේ විධිවිධානයන්ට සහ 2014.09.19 දිනැති අමාත්ය මණ්ඩල තීරණයේ නිර්දේශවලට පටහැනිව දක්ෂිණ අධිවේගී මාර්ගයේ බස් රථ සඳහා මගී සේවා අවසරපත් 56ක් නීත්යානුකූල ක්රමවේදයෙන් බැහැරව සහ වාර්ෂික ගාස්තු එකවර අයකර ගැනීමකින් තොරව නිකුත් කිරීම සම්බන්ධයෙන් එල්ල වූ චෝදනාවකට අනුව එවකට ජාතික ගමනාගමන කොමිසමේ සභාපතිවරයාව සිටි රේණුක පෙරේරා පසුගිය 17 වනදා අල්ලස් කොමිසම විසින් අත් අඩංගුවට ගෙන තිබිණි.
