අඩු ආදායම්ලාභී පවුල් සඳහා නිවාස ව්‍යාපෘතියක් දියත් කිරීමට ජනාධිපති රනිල් වික්‍රමසිංහ මහතා තීරණය කර තිබෙනවා. 75 වැනි නිදහස් සමරුවට සමගාමීව මෙම නිවාස ව්‍යාපෘතිය දියත් කරන බවයි ජනාධිපතිවරයා පවසන්නේ.
මේ යටතේ අඩු ආදායම්ලාභී පවුල් 2000 කට නිවාස හිමිවන අතර කොළඹ නගරයේ පමණක් නොව අර්ධ නාගරික ප්‍රදේශවලින්ද මේ සඳහා ප්‍රතිලාභීන් තෝරා ගැනීමට නියමිතය.
අඩු ආදායම්ලාභී පවුල්වල නිවාස ප්‍රශ්නය කාර්යක්ෂම හා මානුෂීය මුහුණුවරකින් විසඳීම රජයේ ඉලක්කය බවත් නිවාස බෙදාදීමේදී පුද්ගල ප්‍රතිරූප පසෙක තබා සුදුස්සාටම අයිති වන ක්‍රමවේදයක් සකස් කරන බවත් වික්‍රමසිංහ මහතා පවසයි.
හෙට දිනයට නියමිත 36 වැනි ලෝක ජනාවාස දිනය සැමරීම වෙනුවෙන් විශේෂ ප්‍රකාශයක් සිදු කරමින් ජනාධිපතිවරයා මේ බව සඳහන් කළේය.
UN
