සංස්කාරක: අනුර හෑගොඩ
Editor: Anura Hegoda
වෙබ් අඩවි නිර්මාණය: තරිඳු රාජකරුණා
Web Admin: Tharindu Rajakarauna
එලෙස නිමවූ සැම රැයක් තුල, දිදුල ඔබෙ හඬ අදත් එලෙසය
නොමැත වෙනසක් දැනෙන්නේ මට
තවම ඔබ ම ය මිතුරුකැල මැද, රාත්රිය අවදි ව තබන්නේ
තව ම ඔබ ම ය කරළියක් මත, හදේ පිරිපත නිවාලන්නේ
–බුද්ධදාස ගලප්පත්ති
චයාරුපය : සරත් පෙරේරා
ශ්රී ලාංකේය නාඩගම් වේදිකාවේ එදා මෙදාතුර අපූරු ගායනයෙන් මෙන්ම රංගනයෙන් ද තම නාමය අමරණිය කල නිශ්ශංක දිද්දෙණිය සූරීන්හට ලන්ඩන්කවි සංසදයෙන් පිදෙන උපහාරයයි මේ.
‘චිත්තාකර්ෂනීය රංගනයෙන් මගේ නාට්යවලට අලංකාරයක් ගෙනදුන් නිශ්ශංක දිද්දෙණිය….’ – මහාචාර්ය එදිරිවීර සරච්චන්ද්ර
නිශ්ශංක දකින සෑම විටෙක ම මට මැවී පෙනෙන්නේ දයානන්ද ගුණවර්ධනයන්ගේ ගජමන් පුවතෙහි ඇලපාත මුදලිඳුන් ය. ඔහු ගේ රංග කුසලතාවයෙහි හා ගායන ප්රභාවෙහි උපරිමය මම එහි දී දුටුවෙමි. – හෙන්රි ජයසේන
නිවැරදි ලෙස වචන උසුරුවීමේ ලා ශික්ෂණයක් ලබා ඇති දිද්දෙණිය ශිල්පියාගේ ගායනයන්ට සවන් දීමෙන් අප ලබන්නේ නොමඳ ආස්වාදයකි. – මහාචාර්ය සුනන්ද මහේන්ද්ර
නිශ්ශංක සතු සංගීත ඥානය හේතු කොට ගෙන පැරණි නාඩගම් ගී වඩාත් සුනම්ය ආකාරයට ගායනා කරමින් එම ක්ෂේත්රයට කරන ලද සේවාව අප විසින් අගය කල යුතුය. – මහාචාර්ය සෝමරත්න බාලසුරිය
ඔහු බොහෝ කලක් තිස්සේ රංගන විජිතයෙහි කිරුළු පැළඳ සිටියි. එහෙත් එබඳු කිරුළක් තමා දරන බව දිද්දෙණිය කිසි විටෙකත් විශ්වාස නොකරයි. ඒ රංගන ශිල්පියකු කලාකරුවෙකු ලෙස ඔහුගේ අධ්යාශය හා ආරම්මණ ඊට වඩා පෘථුල, අර්ථ සම්පන්න ඉසව්වක රඳා සිටිනා බැවිනි.
නිශ්ශංක දිද්දෙණිය විසින් නූතන සිංහල වේදිකා නාට්ය ක්ශේත්රය තුල ඉෂ්ට සිද්ධ කරන ලද කාර්ය භාරය සදානුස්මරණිය වේ. – ප්රේමතිලක පේරුකන්ද
ලන්ඩන් කවි තෙවන වෙළුම – 2023 ඔක්තෝබර් කලාපය
