රෂිකා හෙන්නායක ඔක්තෝබර් 13, කොළඹ LNW :
ඇල්පිටිය කොට්ඨාස දූෂණ මර්දන ඒකකයේ නිලධාරීන් විසින් ‘අයිස්’ (ක්‍රිස්ටල් මෙතම්ෆෙටමින්) කිලෝග්‍රෑම් 2යි ග්‍රෑම් 140ක් සහ ‘කුෂ්’ (ගංජා විශේෂයක්) ග්‍රෑම් 510ක් සමඟ සැකකරුවෙකු අත්අඩංගුවට ගෙන තිබේ.
අත්අඩංගුවට ගත් සැකකරු අම්බලන්ගොඩ පොලිසිය වෙත භාර දී ඇති බව පොලිසිය සඳහන් කළේය.
අත්අඩංගුවට ගත් පුද්ගලයා අම්බලන්ගොඩ, කුලීගොඩ, ගලගොඩවත්ත ප්‍රදේශයේ පදිංචි 32 හැවිරිදි ධීවරයෙකි.
සැකකරු අද (13) දින බලපිටිය මහේස්ත්‍රාත් අධිකරණයට ඉදිරිපත් කිරීමට නියමිතය.
