සටහන: සශිකලා මධුෂාණි
ඔක්තෝබර් 14: ලෝකය(අවුට්බවුන්ඩ් ටුඩේ) : ඇමරිකානු ජනාධිපති ඩොනල්ඩ් ට්‍රම්ප් ඇතුළු ජාත්‍යන්තර ප්‍රජාවේ බලාපොරොත්තු මල්පල ගන්වමින් වසර දෙකක කාලයක් පුරා ක්‍රියාත්මක වූ මැද පෙරදිග යුද්ධය ඊයේ(13) දිනයේදී නිමා වී තිබේ.
ජනාධිපති ට්‍රම්ප් විසින් ඉදිරිපත් කරන ලද සාම සැලැස්මට අනුව, දරුවන් ඇතුළු 67,000ක් ඉක්මවූ පිරිසකට ජීවිත අහිමි කරමින් දෙවසරක් පුරා හමාස්හි ප්‍රාණඇපයේ පසුවූ ඊශ්‍රායල ජාතිකයින් අතරින් දැනට ජීවතුන් අතර සිටින අවසන් විසිදෙනා ඊශ්‍රායලය වෙත භාරදීම මෙහිදී සිදු වූ අතර ඊශ්‍රායලය විසින් ද ඊශ්‍රායල බන්ධනාගාරවල රඳවා සිටින පලස්තීන ජාතිකයින් 2,000ක් පමණ නිදහස් කළ අතර ඉන් 250ක් පලස්තීන සිරකරුවන්ය.
මෙම සුවිශේෂී අවස්ථාවට එක්වීම සඳහා පැය 4ක් තරම් කෙටි කාලයකට අමෙරිකානු ජනාධිපති ඩොනල්ඩ් ට්‍රම්ප් ඊශ්‍රායලය වෙත පැමිණි අතර එහිදී ඔහු ඊශ්‍රායල රජය මගින් පිරිනැමෙන ඉහළම රජය ගෞරව සම්මානයෙන් පිදුම් ලැබීය.
මෙහිදී ඊශ්‍රායල පාර්ලිමේන්තුව අමතමින් එක්සත් ජනපද ජනාධිපතිවරයා සඳහන් කර තිබුණේ, තමා මේ වන විට යුද්ධ අටක් නිමාකර ඇති බවත්, සිය පෞර්ෂත්වය ගැලපෙන්නෙම යුද්ධ නැවැත්වීමට වන බවත්ය.