සටහන: සශිකලා මධුෂාණි
ඔක්තෝබර් 16; ලෝකය(අවුට්බවුන්ඩ් ටුඩේ) : වයඹදිග නයිජීරියාවේ ජිගාවා ප්‍රාන්තයේ ඉන්ධන ටැංකියක් පුපුරායාම හේතුවෙන් පුද්ගලයන් 94 දෙනෙකු මියගොස් තවත් 50 දෙනෙකු පමණ තුවාල ලබා ඇති බව පොලීසිය සඳහන් කර තිබේ.
ඉන්ධන ලබා ගැනීම සඳහා මිනිසුන් වාහනය වෙත දිව යද්දී මෙම පිපිරිම සිදුව ඇති අතර තුවාල ලැබූවන් Ringim සහ Hadejia නගරවල ප්‍රාදේශීය රෝහල් වෙත ගෙන යන ලදී. තුවාල කරුවන් සම්බන්ධයෙන් අදහස් දක්වමින් සෞඛ්‍ය අංශ සඳහන් කර තිබුණේ, මරණ සංඛ්‍යාව තවදුරටත් ඉහල යා හැකි බවයි.
නයිජීරියාවේ බොහෝ ප්‍රධාන මාර්ගවල මාරාන්තික ට්‍රක් රථ අනතුරු බහුලව සිදු වන අතර අපරික්ෂාකාරී රිය පැදවීම, දුර්වල මාර්ග තත්ත්වයන් සහ නිසි ලෙස නඩත්තු නොකරන වාහන හේතු කොටගෙන සිදුවන බවයි සඳහන් වන්නේ,
