කොළඹ ජාතික රෝහලේ ප්‍රතිකාර ලබමින් සිටි හිටපු ජනාධිපති මහින්ද රාජපක්ෂ මහතාගේ බිරිඳ වන ශිරන්ති රාජපක්ෂ කොළඹ නවලෝක පෞද්ගලික රෝහලට මාරුකර යවා තිබේ.
වෛද්‍යවරුන්ගේ උපදෙස් මත මෙසේ ඇයව මාරුකර යවා ඇති බව සඳහන්.
ජාතික ඉතිරිකිරීමේ බැංකුවට අයත් රුපියල් මිලියන 10ක මුදල සිරිලිය සවිය සංවිධානයට ලබාගෙන සාවද්‍ය පරිහණය කිරීමේ චෝදනාව මත ශිරන්ති රාජපක්ෂව පසුගිය 07 වනදා අල්ලස් කොමිසම විසින් අත් අඩංගුවට ගන්නා ලද අතර එදිනම ඇයව කොළඹ මහේස්ත්‍රාත් අධිකරණයට ඉදිරිපත් කිරීමෙන් අනතුරුව රක්ෂිත බන්ධනාගාරගත කෙරිණි. එහිදී ඇතිවූ අසනීප තත්වයක් හේතුවෙන් ඇයව කොළඹ ජාතික රෝහලට ඇතුළත් කෙරුණු අතර පසුගිය 16 වනදා ඇයව ඇප මත මුදාහරින ලදී.
