අද (19) , හෙට (20) සහ අනිද්දා (21) යන තෙදින තුළ දිවයිනේ සියලු ප්‍රදේශ කලාප 4කට බෙදා පැය බැගින්වූ විදුලි කප්පාදුවක් සිදුකිරීමට මහජන උපයෝගිතා කොමිසමෙන් අවසර ඉල්ලූ බව ජාතික පද්ධති ක්‍රියාකරු සමාගම පවසයි.
එම සමාගමේ ප්‍රධාන විධායක නිලධාරී බුද්ධික සමරසිංහ මහතා සඳහන් කළේ, පස්වරු 04.30 සිට රාත්‍රී 08.30 දක්වා මෙම විදුලි කප්පාදුව සිදුකිරීමට බලාපොරොත්තුවන බවයි.
පසුගිය 17 වනදා දිවයිනටම විදුලිය බිඳවැටීමක් සිදුවූ අතර එහිදී නොරොච්චෝලේ ගල් අඟුරු බලාගාරයේ විදුලි ජනන යන්ත්‍ර තුනම අක්‍රිය වීම හේතුවෙන් මේ තත්වය උද්ගතව ඇත.
ඒ අනුව, මෙම විදුලි කප්පාදුව සම්බන්ධයෙන් මහජන උපයෝගීතා කොමිසමේ සහ අමාත්‍යාංශයේ අවසන් අනුමැතිය ලැබීමෙන් පසු, අදාළ කලාප අනුව විදුලිය කැපෙන නිශ්චිත වේලා සටහන් ජනතාවට දැනුම් දීමට නියමිතය.
