රෂිකා හෙන්නායක ඔක්තෝබර් 20,කොළඹ (LNW):
ශ්රී ලංකා තේ කර්මාන්ත හිමියන්ගේ සංගමයේ වාර්ෂික මහා සභා රැස්වීමට එක්වෙමින් , සිලෝන් ටී නාමය ඉහළ නැංවීම සඳහා තේ කර්මාන්තයේ ගැටලු විසඳීමට රජය මැදිහත්වන බව අමාත්ය විජිත හේරත් මහතා පවසයි.
පාස්කු වාර්තාව පිළිබඳ පරීක්ෂණ සිදුකර නියමිත ක්රියාමාර්ග ගන්නා බවද, උත්සවයෙන් අනතුරුව මාධ්ය හමුවේ අදහස් දක්වමින් අමාත්යවරයා ප්රකාශ කළේය. ශ්රී ලංකා තේ කර්මාන්ත ශාලා හිමියන්ගේ සංගමයේ 34 වන මහා සභා රැස්වීම බත්තරමුල්ල වෝටර්ස් එජ් හිදී පැවැත්වුණු අතර, කර්මාන්ත ශාලා හිමියන් 300කට අධික පිරිසක් මෙහි සාමාජිකත්වය දරණු ලබයි.
