රෂිකා හෙන්නායක නොවැම්බර් 08, කොළඹ LNW:
සපුගස්කන්ද තෙල් පිරිපහදුව පසුගිය මාස නවයක කාලය තුළ ඩොලර් මිලියන 417ක දැවැන්ත ලාභයක් උපයා ඇති බව ලංකා ඛනිජ තෙල් සංස්ථාවේ සභාපතිවරයා පවසයි.
වසා දැමීමට තීරණය කර තිබූ මෙම පිරිපහදුව, අදාළ කාලය තුළ රටට ඇමරිකානු ඩොලර් බිලියනයකට අධික මුදලක් ඉතිරි කර දී තිබේ.
එසේම, රටේ පවතින ආර්ථික අර්බුදය හමුවේ වුවද, රජයේ විශේෂ සහනාධාර ක්‍රමවේද හරහා ජනතාවට දැරිය හැකි මිලකට ඉන්ධන ලබා දී ඇති බව හෙළි වේ.
ලෝක වෙළඳපොලේ තෙල් මිල ඉහළ ගියද, දේශීය මිල වැඩිවීම පාලනය කර ඇත්තේ රජයේ මූල්‍ය ආධාර මතය.
ඉදිරියේදී ලෝක වෙළඳපොලේ ඉන්ධන මිල අඩුවීමේ ප්‍රතිලාභ ද ජනතාව වෙත ලබා දීමට බලාපොරොත්තු වන බව සභාපතිවරයා වැඩිදුරටත් සඳහන් කරයි.
