සටහන – රෂිකා හෙන්නායක
කොළඹ (LNW): පොදු වැසිකිළියත් බිස්නස් එකක් කර ගත් තොරතුරක් විගණනයේදි හෙලි වී ඇත.
මාතලේ මහ නගර සභාවට අයත් පොදු වැසිකිළි තුනක් බදු දීමේ දී ගැනුම්කාර පාර්ශවයේ ඇපකරුවන් ලෙස නගර සභාවේම සුළු සේවකයින් දෙදෙනෙකු බදුකරු වෙනුවෙන් අත්සන් තැබීමේ සිදුවීමක් විගණනයේ දී අනාවරණය වී ඇත. නගර සභා පනතට අනුව නිලධාරීන්ට හා සේවකයින්ට සභාවේ ගිවිසුම්වලට සම්බන්ධ වීමේ හැකියාවක් නොමති බවද සඳහන් වේ.
ඒ අනුව විගණනයේ දී අනාවරණය වී ඇත්තේ, අදාළ ගැනුම්කරුගෙන් 2022 ජනවාරි සිට පසුගිය ජූනි මස දක්වා වැසිකිළි තුනෙන් රුපියල් දහතුන් ලක්ෂ 98,316ක මුදලක් නගර සභාවට අයවිය යුතු බවයි.
පසුගිය කාලය තුළ මාතලේ මහ නගර සභාවට අයත් ආදාහනාගාරය වෙන් කිරීමේ දී, ආදාහනාගාරයට ගෑස් මිල දී ගැනීමේ දී මෙන්ම ගලි සේවා ලබා දීමේ දී සිදුව ඇතැයි කියන මූල්‍ය වංචා සම්බන්ධව මාධ්‍ය මගින් හෙළි කිරීමත් සමග මෙම කරුණු ද අනාවරණය වී ඇත.
මෙම ගනුදෙනුව සම්බන්ධයෙන් සොයා බැලීමට කමිටුවක් ද මේ වනවිට පත්කර ඇති අතර එම කමිටු සාමාජිකයින්, මාතලේ නගර සභාවේ නිලධාරීන් හා සේවකයින් පිරිසකගෙන් ප්‍රකාශ ලබා ගැනීමට ද පියවර ගෙන අති බව වාර්තා වේ.
රටපුරා සියලු තොරතුරු දැනගන්න එක්වන්න අපගේ Whatsapp Newsroom වෙත??
