සටහන – නිපුනි ලියනගේ
කොළඹ (LNW): යුනියන් බැංකුව දැන් CG Capital Partners Global Pte යටතට පැමිණ තිබේ.
මෙය 2022 දෙසැම්බර් මස ප්‍රකාශයට පත් කරන ලද අතර 2023 ඔක්තෝම්බර් 24 දින යුනියන් බැංකුවේ අධ්‍යක්ෂ මණ්ඩලයට ගණුදෙනුව අවසන් වූ බවට විධිමත් දැනුම්දීමක් ලැබා දෙමින් ඒ පිළිබඳව කොළඹ කොටස් වෙළඳපල (CSE) වෙත දන්වා ඇත.
CG Capital Partners Pte Ltd, Culture Financial Holdings හි හිමිකාරිත්වය හරහා දැන් යුනියන් බැංකුවේ ප්‍රධාන කොටස්කරුවා ලෙස කටයුතු කරයි.
CG Corp Global (CG) සමාගම් 160කට අධික සංඛ්‍යාවක් සහ 15,000කට අධික සේවක සංඛ්‍යාවකින් යුත් ගෝලීය වෙළඳපොලේ සන්නාම 123ක් සමඟින් ආසියාවේ ප්‍රමුඛ පෙළේ සමූහ ව්‍යාපාරයක් ලෙස අභිමානයට පත්ව තිබේ.
එය බැංකු සහ මූල්‍ය, සත්කාරක, සිමෙන්ති, ජල විදුලිය, විදුලි සංදේශ සහ අධ්‍යාපනය වැනි බොහෝ අංශවල ප්‍රධානත්වයක් උසුලයි.
සමාගම නේපාලයේ මූල්‍ය සේවා අංශයේ ප්‍රධානියෙකු වන අතර නබිල් බැංකුව විශාලතම කොටස් හිමියා වන අතර නේපාල කොටස් වෙළඳපොලේ විශාලතම පෞද්ගලික බැංකුව ලෙස ලැයිස්තුගත කර ද ඇත.
CG සමාගම ශ්‍රී ලංකාව කෙරෙහි අවධානය යොමු කළ පළමු අවස්ථාව මෙය නොවන අතර එය රට පුරා ඉහළ මට්ටමේ දේපල, සුඛෝපභෝගී හෝටල් සහ නිවාඩු නිකේතන කිහිපයක ප්‍රධාන කොටස් හිමිකරගෙන සිටිමින් මූල්‍ය සේවා අංශය තුළ ද සිය ආයෝජන තවදුරටත් පුළුල් කිරීමට කටයුතු කරයි.
