සටහන: සශිකලා මධුෂාණි
ඔක්තෝබර් 31; ලෝකය(අවුට්බවුන්ඩ් ටුඩේ) : උතුරු කොරියාව විනාඩි 86ක පියාසරියක් සහිතව අන්තර් මහද්වීපික බැලස්ටික් මිසයිලයක්(ICBM) අත්හදා ඇති බව වාර්තා වේ.
මෙම මිසයිලය කිලෝමීටර 7,000 (සැතපුම් 4,350) තරම් ඉහළට ළඟා වී ඇති අතර එය මෙතෙක් වාර්තා වී ඇති දිගුම පියාසැරිය වශයෙන් හඳුනා ගැනේ,
මෙම දියත් කිරීම එක්සත් ජාතීන්ගේ සීමාවන් උල්ලංඝණය කර ඇති අතර දියත් කිරීමට ප්‍රතිචාර වශයෙන් උතුරු කොරියාවට නව සම්බාධක පනවන බව දකුණු කොරියාව ප්‍රකාශ කර ඇති අතර උතුරු කොරියානු නායක කිම් ජොං සඳහන් කර තිබුණේ, මෙම අත්හදබලිම සිය සතුරන්ට ප්‍රතිචාර දැක්වීමට මෙය අවශ්‍ය ක්‍රියාමාර්ගයක් බවත්, උතුරු කොරියාව එහි න්‍යෂ්ටික ශක්තිය වර්ධනය කර ගැනීම කිසිවිටෙක නවත්වන්නේ නැති බවය.
මිසයිල දියත් කිරීමෙන් අනතුරුව ඇමරිකා එක්සත් ජනපදය, දකුණු කොරියාව හා ජපානයේ නියෝජිතයන් හමුව ඇති අතර උතුරු කොරියාවට එරෙහිව ඉදිරි ක්‍රියාමාර්ග ගැනීමට අවශ්‍ය කටයුතු සාකච්ජා කර තිබේ.
