සටහන – රෂිකා හෙන්නායක
කොළඹ (LNW): ශ්‍රී ලංකා පොදුජන පෙරමුණ විසින් වහාම ක්‍රියාත්මක කරන්නැයි ඉල්ලමින් විශේෂ ඉල්ලීම් හතරක් ජනාධිපති රනිල් වික්‍රමසිංහ මහතාට ඉදිරිපත් කරනු ලැබ ඇති බව වාර්තා වේ.
පක්ෂයේ ලේකම් පාර්ලිමේන්තු මන්ත්‍රී නීතිඥ සාගර කාරියවසම් මහතා පැවසූවේ, සමෘද්ධි සහනාධාරය දිගටම පවත්වාගෙන යෑම, පොහොර සහනාධාරය දීම දිගටම කරගෙන යෑම, මන්ත්‍රී විමධ්‍යගත ප්‍රතිපාදන යළි ලබාදීම සහ රජයේ ආයතන ප්‍රතිව්‍යුහගතකරණය කිරීමේදී රැකියා නැති නොකිරීම එම ඉල්ලීම් හතර බවයි.
පක්ෂයේ ලේකම්වරයාගේ අත්සනින් යුතුව යවා ඇති ලිපියකින් මෙම ඉල්ලීම් හතර ඉදිරිපත් කර ඇති අතර , රටේ දුප්පත්කම නැති කිරීමට ඇති හොඳම යාන්ත්‍රණය සමෘද්ධි ව්‍යාපාරය හෙයින් එම ව්‍යාපාරය වෙනත් නම් ගෙනවිත් වෙනස් කිරීම සුදුසු නැති බවද ශ්‍රී ලංකා පොදුජන පෙරමුණ ජනාධිපතිවරයාට යැවූ ලිපියෙන් දැනුම්දී ඇති බවයි වාර්තා වන්නේ,
රටපුරා සියලු තොරතුරු දැනගන්න එක්වන්න අපගේ Whatsapp Newsroom වෙත??
