රෂිකා හෙන්නායක නොවැම්බර් 06, කොළඹ (LNW):
අද (06) දින මෙරට පවතින සහල් හා වී තොග පිළිබඳ වාර්තාව ජනාධිපතිවරයාට භාරදෙන බව වෙළෙඳ අමාත්‍යාංශය පවසා ඇත .
දිස්ත්‍රික්ක 17ක සහල් හා වී තොග පිළිබඳ එම වර්තාවට දත්ත ඇතුළත් බව , එහි ලේකම් එම්. එම්. නයිමුදීන් මහතා සඳහන් කළේය.
පාරිභෝගික කටයුතු අධිකාරීයේ නිලධාරීන් පසුගිය දිනවල එම දිස්ත්‍රික්කවල මහා පරිමාණ, මධ්‍ය පරිමාණ හා සුළු පරිමාණ වී මෝල් හිමියන් සතු වී හා සහල් තොග පිළිබඳ සමීක්ෂණය කර ඇති අතර , එම වාර්තාවේ සඳහන් කරුණු සලකා බලා ජනාධිපතිවරයා විසින් ඉදිරි පියවර ගනු ඇති බව, අමාත්‍යාංශය පැවසුවේය.
තවද, වෙළෙඳපොළේ නාඩු සහල් මිල ගණන් තවදුරටත් පාලන මිල ඉක්මවා අලෙවි කරන අතර, ඇතැම් වෙළෙඳ සැල්වල නාඩු සහල් හිඟයක් ද පවතින බව ජනතාව කියා සිටී.
