කොළඹ LNW: ඇමරිකානු ජනාධිපතිවරණයෙන් ජයගත් රිපබ්ලිකන් පක්ෂ ජනාධිපති අපේක්ෂක ඩොනල්ඩ් ට්‍රම්ප් වෙත සමඟි ජන බලවේගයේ නායක සජිත් ප්‍රේමදාස මහතා සිය X ගිණුමේ සටහනක් තබමින් සුභ පැතුම් එක්කර තිබේ.
ඔහුගේ ධූර කාලය තුළ ලොව පුරා සිටින ප්‍රජාවන් සමඟ සාමය, හොඳ හිත සහ අර්ථවත් සහයෝගීතාවයන් සටහන් වනු ඇති බවයි ප්‍රේමදාස මහතා සිය පණිවිඩය මඟින් සඳහන් කරන්නේ.
එමෙන්ම ඉදිරි මාවතට මඟ පෙන්වීමට ප්‍රඥාව සහ ශක්තිය ප්‍රාර්ථනා කරන බවද එහිදී ප්‍රේමදාස මහතා තවදුරටත් පවසයි.
මෙතෙක් ප්‍රකාශිත මැතිවරණ ප්‍රතිඵලවලට අනුව ඩොනල්ඩ් ට්‍රම්ප් ඡන්ද විද්‍යාල ආසන 266ක් දිනා ඇති අතර ඔහුගේ ප්‍රතිවාදියා වූ උප ජනාධිපතිනී කමලා හැරිස් දිනා ඇත්තේ ආසන 219කි.
ආශිකා බ්‍රාහ්මණ
