කොළඹ LNW: එළැඹෙන මහමැතිවරණයේදී පාර්ලිමේන්තුවේ බහුතර බලය ලබා සමගි ජන බලවේග රජයක් පිහිටුවා ජනතාව මුහුණ දෙන ප්‍රශ්නවලට අනිවාර්යයෙන් විසදුම් ලබා දීමට කැපවෙන බව සමඟි ජන සන්ධානයේ නායක සජිත් ප්‍රේමදාස මහතා පැවසීය.
වත්මන් ජනාධිපතිවරයා වේදිකාවක් වේදිකාවක් පාසා ජනතාවට කියු පොරොන්දු ඉටු කිරීමට නොහැකි වුවත් සමගි ජන බලවේගය පොරොන්දු කඩ නොකරන බවයි ප්‍රේමදාස මහතා පැවසුවේ.
ඔහු මෙම බව කියාසිටියේ කොලොන්නාවේ පැවැති ජන හමුවකදීය.
එහිදී තවදුරටත් අදහස් දක්වමින් ඔහු පැවසුවේ ඉන්ධන මිල සූත්‍රයේ වහලෙකු වී ජනතාවට ඉන්ධන සහනය හෝ දීමට අපොහොසත් වූ බවයි.
හිටපු ජනාධිපතිවරයා ප්‍රමුඛ රජය රටත් ජනතාවත් අමාරුවේ දමා ගෙදර ගිය නිසා රටටත් ජනතාවටත් වාසි දායක IMF ගිවිසුමක් ගෙන ඒමට නම් සමඟි ජන බලවේගය බලයට ආ යුතු බවයි සජිත් ප්‍රේමදාස මහතා අවධාරණය කළේ.
ආශිකා බ්‍රාහ්මණ
