සටහන: සශිකලා මධුෂාණි
නොවැම්බර් 08; ලෝකය(අවුට්බවුන්ඩ් ටුඩේ) : ඊශ්‍රායල පාපන්දු සමාජයක් වන Maccabi Tel Aviv හා Ajax අතර පවති යුරෝපා ලීග් තරගයකට පෙර සහ පසුව ඊශ්‍රායල පාපන්දු ලෝලීන් පලස්තීන ගැති විරෝධතාකරුවන් සමඟ ගැටී ඇති බව වාර්තා වේ.
ඊශ්‍රායල විදේශ කටයුතු අමාත්‍යාංශය පැවසුවේ ගැටුම්ව ලින් පසු ඊශ්‍රායල ජාතිකයින් 10 දෙනෙකු තුවාල ලබා ඇති අතර දෙදෙනෙකු අතුරුදන්ව ඇති බවයි.
මේ සම්බන්ධයෙන් අගමැති බෙන්ජමින් නෙතන්යාහුගේ කාර්යාලය සඳහන් කර තිබුණේ, පුරවැසියන් ආපසු ගෙන්වා ගැනීම සඳහා ගුවන් යානා යොදවන බවයි. කෙසේ නමුත්, ඇම්ස්ටර්ඩෑම් නගරාධිපති ෆෙම්කේ හල්සෙමා විසින් පලස්තීන ගැති පෙළපාළියක් තහනම් කර තිබියදීත්, විරෝධතාකරුවන් සහ ඊශ්‍රායල පාපන්දු සමාජයේ ආධාරකරුවන් අතර මෙලෙස ගැටුම් ඇති වී තිබේ.
මේ සම්බන්ධයෙන් ලන්දේසි පොලිසිය පවසන්නේ අවම වශයෙන් පුද්ගලයින් 62 දෙනෙකු අත්අඩංගුවට ගෙන ඇති අතර පස් දෙනෙකු රෝහල් ගත කර ඇති බවයි.
