රෂිකා හෙන්නායක නොවැම්බර් 09, කොළඹ LNW:
කස්සප හිමි සමඟ සිටියදී අත්අඩංගුවට ගත් පුද්ගලයා මත්ද්‍රව්‍ය භාවිත කර සිටි බවට හෙළිවෙයි.
අනුරාධපුර පූජා නගර සංවර්ධන සැලැස්මට එරෙහිව රුවන්වැලි මහා සෑය අසල පැවති සත්‍යග්‍රහයක් අතරතුර පොලිසිය සමඟ ඇති වූ නොසන්සුන්කාරී තත්ත්වයක් සම්බන්ධයෙන් සිවිල් පුද්ගලයන් දෙදෙනෙකු අත්අඩංගුවට ගෙන ඇත.
එලෙස අත්අඩංගුවට පත් වූ ප්‍රසාද් සුසන්ත ජයසිරි නැමැත්තා භික්ෂූන් වහන්සේ සමඟ සිටියදී පොලිස් රාජකාරියට බාධා කිරීමේ චෝදනාවට ලක්ව තිබේ.
පසුව සිදු කරන ලද වෛද්‍ය පරීක්ෂණ මගින් අනාවරණය වී ඇත්තේ අදාළ පුද්ගලයා එම අවස්ථාවේදී හෙරොයින් සහ ගංජා භාවිත කර තිබූ බවයි.
පොලිසිය විසින් සත්‍යග්‍රහයේ නිරත පිරිස එම ස්ථානයෙන් ඉවත් කිරීමට උත්සාහ කිරීමත් සමඟ මෙම ගැටුම්කාරී වාතාවරණය හටගෙන ඇත.
