සටහන – රෂිකා හෙන්නායක
කොළඹ (LNW): කිසිඳු දේශපාලන පක්ෂයකට අයවැයට විරුද්ධ වීමට හේතුවක් නොමැති බවත්, ජනතාව විසින් මෙතෙක් ඉදිරිපත් කළ කරුණු සැලකිල්ලට ගනිමින් මෙවර අයවැය සකස් කර ඇති බවත් මුදල් රාජ්‍ය අමාත්‍ය ෂෙහාන් සේමසිංහ පවසයි.
එහි දී වැඩිදුරටත් අදහස් පල කළ අමාත්‍යවරයා,
‘‘මෙම අය වැය මෙතෙත් ජනතාව විසින් මතුකල කාරණාවලට විසදුම් තිබෙන අයවැයක්. ඒ අනුව විපක්ෂයට තීන්දුවක් ගන්න වෙයි, ඔවුන් මේ අයවැයට පක්ෂව ජනතාව වෙනුවෙන් හිටගන්නවාද නැත්නම් අයවැයට විරුද්ධ වෙලා නැවතත් සුපුරුදු විපක්ෂයක භූමිකාව සිදුකරනවාද කියලා. ජනතාව වෙනුවෙන් හිටගන්න සෑම දේශපාලන පක්ෂයකටම මෙම අය වැය ලේඛනය විරුද්ධ වෙන්න හේතුවක් නැහැ කියලා විශ්වාසයක් තියෙනවා. ආර්ථික අපහසුතා නිසා දැඩි බලපෑමට පත් වුණු බොහෝ ක්ෂේත්‍රයන් සහ ආර්ථික ස්ථාවරත්වය වර්ධනය කරන්න මෙමගින් බලාපොරොත්තු වෙනවා. අද පස්වරුවෙනකම් බලාගෙන ඉමු මෙම අයවැයේ අන්තර්ගතය බලන්න.” බවයි.
රටපුරා සියලු තොරතුරු දැනගන්න එක්වන්න අපගේ Whatsapp Newsroom වෙත??
