මෙවර අයවැය ඉදිරිපත් කිරීමට සිදුව ඇත්තේ ඉතාම අසීරු ආර්ථික පදනමක සිට වුවත් යැපුම් මට්ටමෙන් පහළට වැටී සිටින ජනතාවට සහන ලබාදීමට කටයුතු කරන බව මුදල් රාජ්‍ය අමාත්‍ය රංජිත් සියඹලාපිටිය මහතා පවසයි.
“මෙවර විශේෂත්වය මෙතෙක් ඉදිරිපත් කළ අයවැය අතර ඉතාම අසීරු ආර්ථික පදනමක ඉඳගෙන තමයි අපට ලබන වර්ෂය සඳහා ආදායම් – වියදම් පුරෝකථනයන් ඉදිරිපත් කරන්න වෙන්නෙ. ඒ වගේම අපට පැවරෙන ප්‍රධාන වගකීමක් තමයි ඉතා අසීරුවෙන් ජීවත් වෙන ජනතාවගේ මූලික අවශ්‍යතාවයන් ඉෂ්ඨ කිරීම. විශාල ජනතාවක් යැපුම් මට්ටමෙන් පහළ තත්වයකට පත්වෙලා තියෙනවා. ඔවුන් ගැන සලකා බැලීම සහ ඔවුන්ට අවශ්‍ය මූලික දේ සපයා දීමට කටයුතු කිරීම. ඒ වගේම නැවත වතාවක් ශ්‍රී ලංකාව ආර්ථික වශයෙන් නැගී සිටීමට අවශ්‍ය මූලිකම පදනම ඇතිකර ගැනීමත් අපට මේ අවස්ථාවේදී වැදගත් වෙනවා”
මුදල් රාජ්‍ය අමාත්‍යවරයා මේ බව පැවසුවේ රූපවාහිනී නාලිකාවක් වෙත අදහස් දක්වමිනි.
RN
