කොළඹ LNW:ලෙහෙසියෙන් දේශපාලනයෙන් සමුනොගන්නා බව හිටපු ජනාධිපති මහින්ද රාජපක්ෂ මහතා පැවසුවේය.
ඒ, අද (16) කොළඹදී මාධ්‍යවේදීන් නගන ලද ප්‍රශ්නයකට පිළිතුරු දෙමිනි.
මැතිවරණ ප්‍රතිඵලයත් සමඟ දේශපාලනයෙන් සමුගැනීමේ සූදානමක් පවතින්නේද යන්න කළ විමසීමට පිළිතුරු දෙමිනුයි රාජපක්ෂ මහතා ඒ බව කියා සිටියේ.
එමෙන්ම ලෙහෙසියෙන් සටන අතනොහරින බවද ඔහු පවසන ලදී.
ශ්‍රී ලංකා පොදුජන පෙරමුණ ලෙස බලාපොරොත්තු වූ ජන්ද සංඛ්‍යාව ලැබුණු අතර වැටුණු තැනින් නැවත නැගිටීම සඳහා සාකච්ජා කරන බවද හිටපු ජනාධිපතිවරයා ප්‍රකාශ කළේය.
මේ අතර මාලිමාව වෙනුවෙන් ජනතාව ජන්දය භාවිතා කර තිබෙන අතර ජනතා මතයට ගරු කළ යුතුවන බවයි රාජපක්ෂ මහතා පැවසුවේ.
අලුත් අයටත් රට පාලනය කිරීමට අවස්ථාව දිය යුතු බවත් අලුත් මුහුණු වලට රට ඉදිරියට කරගෙන යාමට හැකි බවත් හෙතෙම තවදුරටත් සඳහන් කරන ලදී.
ආශිකා බ්‍රාහ්මණ
