රෂිකා හෙන්නායක නොවැම්බර් 16, කොළඹ (LNW):
පකිස්ථාන අග්‍රාමාත්‍ය ශෙබාස් ෂරීෆ් මහතා පාර්ලිමේන්තු මැතිවරණයෙන් ජාතික ජන බලවේගය ලද විශිෂ්ට ජයග්‍රහණය වෙනුවෙන්, ජනාධිපති අනුර කුමාර දිසානායක මහතාට සුබ පැතුම් එක් කළේ ය.
අනුර කුමාර දිසානායක මහතා ලැබූ ජයග්‍රහණය මෙරට ජනතාව එතුමාගේ දැක්ම සහ නායකත්වය කෙරෙහි තබා ඇති විශ්වාසය පිළිබඳ සාක්ෂියක් බව, එක්ස් පණිවිඩයක් නිකුත් කරමින් ශෙබාස් ෂරීෆ් මහතා පවසා ඇත.
දෙරට අතර දිගුකාලීන සබඳතා තවදුරටත් පුළුල් කිරීමට පකිස්ථානය කැපවී සිටින බව, එම එක්ස් පණිවිඩයේ සඳහන් වේ.
දෙරටේ සමීප සහ දිගුකාලීන සබඳතා තවදුරටත් ශක්තිමත් කිරීමට තම රජය පකිස්ථානය සමග අඛණ්ඩව කටයුතු කර බව ජනාධිපති අනුර කුමාර දිසානායක මහතා එක්ස් පණිවිඩයක් නිකුත් කරමින් පවසා ඇත.
