දකුණු අප්‍රිකාවේ සාර්ථක සහ ජනප්‍රියතම ග්‍රිල් චිකන් සන්නාමය වන ගැලීටෝස් (Galitos), ග්‍රිල් චිකන් සහ මිරිස් රසැති සෝස් සමග සමඟින් ශ්‍රී ලාංකික රස අංකුර ප්‍රබෝධමත් කිරීමට සූදානම් වේ.
අබ්දුල් අසීස් බ්‍රදර්ස් පුද්ගලික සමාගමේ සභාපති සහ කළමනාකාර අධ්‍යක්ෂ අබ්දුල් අසීස් මොහොමඩ් හිල්මි මහතා සහ ගැලීටෝස් ජාත්‍යන්තර සමාගමේ නිර්මාතෘ සහ ප්‍රධාන විධායක නිලධාරී Louis Germishuys අතර ගැලීටෝස් හදුන්වාදීම සදහා වන ගිවිසුම් අත්සන් කරන ලද අතර, එමඟින් ශ්‍රී ලංකාව සහ මාලදිවයින වෙත සන්නාමයේ නිල ප්‍රවේශය සඳහා මග පාදනු ලැබුවේය.
1996 දී දකුණු අප්‍රිකාවේ නෙල්ස්ප්‍රූට් නම් කුඩා නගරයෙන් ආරම්භ වූ ගැලීටෝස්, දකුණු අප්‍රිකාවේ ගෘහ නාමයක් ලෙස ඉක්මනින් ප්‍රසිද්ධියට පත් විය. එහි සැබෑ ලෙස ග්‍රිල් කළ රසය හදුන්වාදෙන අතර, සැබෑ ඖෂධ පැළෑටි, සුදුළූණු, ලෙමන් සහ අප්‍රිකානු මිරිස් වලින් සාදන ලද නැවුම්ව සකස් කරන ලද පෙරී-පෙරී සෝස්වල රසය ඇතුළත් කර තිබේ. වසර ගණනාවක් පුරා, ගැලීටෝස් සන්නාමය වේගයෙන් ව්‍යාප්ත වී ඇති අතර දැන් කෙන්යාව, කැනඩාව, සර්බියාව සහ බංග්ලාදේශය ඇතුළු දකුණු අප්‍රිකාවෙන් පිටත රටවල් 17 කට වැඩි ගණනක වෙළඳසැල් 260 ක් සමඟ ගනුදෙනුකරුවන්ට සේවය ලබාදෙමින් සිටී. ආහාර ලෝලීන්ට නිර්භීත දකුණු අප්‍රිකානු රසයන් අත්විඳීමට අවස්ථාවක් ලබා දෙමින් ශ්‍රී ලංකාව මෙම ගෝලීය පියසටහනට එක්වන නවතම ගමනාන්තයයි.
ගුණාත්මකභාවය, රසය සහ නවෝත්පාදනය කේන්ද්‍ර කරගත් විචිත්‍රවත් භෝජන අත්දැකීමක් පාරිභෝගිකයින්ට ලබා දෙමින් ඉදිරි වසර තුළ ශ්‍රී ලංකාවේ ප්‍රමුඛ පෙළේ ස්ථානවල ගැලීටෝස් අලෙවිසැල් දෙකක් විවෘත කිරීමට නියමිතය. කලාපය තුළ සන්නාමයේ ප්‍රවේශය තවදුරටත් පුළුල් කරමින්, මාලදිවයිනේ අලෙවිසැලක් ද පසුකාලීනව සැලසුම් කර ඇත.
අබ්දුල් අසීස් බ්‍රදර්ස් පුද්ගලික සමාගම, ශ්‍රී ලංකාවට සහ මාලදිවයිනට ජාත්‍යන්තර ආහාර සන්නාම හඳුන්වා දීමේ ප්‍රමුඛයෙක් වන අතර සෞදි අරාබි රාජධානියට ඇතුළුවීම සඳහා සූදානම් වෙමින් සිටී. අබ්දුල් අසීස් බ්‍රදර්ස් පුද්ගලික සමාගම සිංගප්පූරුවේ පැස්ටාමේනියා මෙම කලාපයට සාර්ථකව ගෙන ආ අතර, ගෝලීය ව්‍යාප්තිය සඳහා දැන් සූදානම් වෙමින් පවතින තමන්ගේම ශ්‍රී ලාංකික සන්නාමයක් වන “අයිලන්ඩ් රැප්ස් ” සන්නාමයද හදුන්වාදුන්නේය.
ගැලීටෝස් හඳුන්වාදීම මගින් ශ්‍රී ලාංකික පාරිභෝගිකයින් සඳහා ආහාර විකල්ප විවිධාංගීකරණය කිරීමට සහ නව සූපශාස්ත්‍ර අත්දැකීම් නිර්මාණය කිරීමට අබ්දුල් අසීස් බ්‍රදර්ස් පුද්ගලික සමාගම දරන අඛණ්ඩ කැපවීම පිළිබිඹු වේ.
“ගැලිටෝස් ශ්‍රී ලංකාවට ගෙන ඒමට ලැබීම ගැන අපි සතුටු වෙනවාග එහි ගිනිදැල්-ග්‍රිල් කළ කුකුල් මස් සහ අව්‍යාජ ගිනිමය සෝස් ලොව පුරා හදවත් දිනාගෙන ඇති අතරල ශ්‍රී ලාංකික පාරිභෝගිකයින් මෙම ආකර්ෂණීය නව අත්දැකීම වැළඳ ගනු ඇතැයි අපි විශ්වාස කරමු. මෙම දියත් කිරීම මගින් විවිධ ගෝලීය ආහාර වර්ග හඳුන්වා දීමේ අපගේ දැක්ම ශක්තිමත් කරන අතරම ජාත්‍යන්තර භෝජන සඳහා මධ්‍යස්ථානයක් ලෙස ශ්‍රී ලංකාවේ කීර්තිය ගොඩනඟා ගනී”යනුවෙන් අබ්දුල් අසීස් බ්‍රදර්ස් පුද්ගලික සමාගමේ සභාපති සහ කළමනාකාර අධ්‍යක්ෂ අබ්දුල් අසීස් මොහොමඩ් හිල්මි සදහන් කළේය.
