Saturday, December 3, 2022
spot_img

Latest Posts

සෙස් බද්ද පාසල් පෙළ පොත් සහ උපකරණ සඳහා අදාළ නෑ – රංජිත් සියඹලාපිටිය

2023 අයවැය යෝජනාවෙන් යෝජිත සෙස් (CESS) බද්ද පාසල් පෙළ පොත් සහ උපකරණ සඳහා අදාළ නොවන බව මුදල් රාජ්‍ය අමාත්‍ය රංජිත් සියඹලාපිටිය මහතා පවසයි. අයවැය සම්බන්ධයෙන් සිදුවන පාර්ලිමේන්තු විවාදයේදි මේ බව ඒ මහතා විසින් අවධාරණය කෙරුණේය.

කෙසේ වෙතත් සෙස් බදු අදාල වුවද, නොවූවද, පාසල් උපකරණ වල මේ වනවිටත් අසීමිත මිල වැඩි වීමක් දක්නට ලැබේ. එදා වේල සරි කර ගන්නා, පාසල් යන වයසේ දරුවන් කිහිප දෙනෙකු සිටින නිවසක දෙමාපියන් පත්ව ඇත්තේ මහත් අසරණ තත්ත්වයකටය.

බොහෝ අඟහිඟකම් මැද දිවි ගෙවන ජනතාව කුසට අහරක් පවා නොමැතිව දුක් ගැහැට විදිනුයේ දරුවන්ගේ අධ්‍යාපනය කෙසේ හෝ සාර්ථක කර ගැනීමටය. නමුත් මේ වනවිට ඒ සියල්ල සිහිනයක් වෙමින් අහස උසට වැඩිවන භාණ්ඩ මිල සහ පාසල් උපකරණ අධික මිල හා හිඟ කම විශාල ලෙස බලපා ඇත.

කෙසේ හෝ දරුවන්ගේ අධ්‍යාපනය වෙනුවෙන් රජයේ සහනදායී පිලිවෙකතක් අනුගමනය වන්නේ නම් සෑම දෙමාපියකුටම මහත් අස්වැසිල්ලක් වනු ඇත. බලධාරීනි ඔබගේ අවදානය පිණිසයි ….

රෂිකා හෙන්නායක
2022.11.20

Latest Posts

spot_img

Don't Miss

Stay in touch

To be updated with all the latest news, offers and special announcements.