සටහන – නිශ්මං රණසිංහ
කොළඹ (LNW): ශ්රී ලංකා ක්රිකට් අයිසීසීය විසින් තහනම් කර තිබෙනාකාරය සම්බන්ධයෙන් කරුණු දැක්වීමට ශ්රී ලංකා ක්රිකට් ආයතනය කැඳවා තිබූ මාධ්ය හමුවේදී අදහස් දැක්වූ ශ්රී ලංකා ක්රිකට් සභාපතිවරයා පැවසුවේ ලෝක කුසලාන තරගාවලියේ දී ශ්රී ලංකාව පරාජයවීම සම්බන්ධයෙන් වගකිව යුත්තේ ක්රීඩා ඇමතිවරයා සහ ලෙජන්ඩ් කෙනෙකු බවය.
ඕස්ට්රේලියාවේ ට්රෙවිස් හෙඩ් මෙන්ම නවසීලන්තයේ කේන් විලියම්සන් ද,අබාධ සමඟ තරගාවලියට සහභාගි වූ බවත්,ඔවුන් මුල් තරගවලින් පසුව කණ්ඩායමට එක් වූ බවත් ක්රිකට් සභාපති ශම්මි ද සිල්වා පෙන්වා දුන්නේය.එහෙත් ශ්රී ලංකා කණ්ඩායමේ සිටින හොඳම දඟ පන්දු යවන්නා වන වනිඳු හසරංග සහ වේග පන්දු යවන්නාවන දුෂ්මන්ත චමීර සංචාරයට නමි කළ අවස්ථාවේදී ඇමතිවරයා සහ ඉහත කී ලෙජන්ඩ් විසින් ඉවත් කළ බවත්,පරාජයට විශාලම හේතුව එය බවත් සභාපතිවරයා පෙන්වා දුන්නේය.
අයිසීසී තහනම ඔවුන් සංවිධානය කරන ඉසව් මෙරට පැවත්වීම දක්වා සීමා වී ඇති බවත්,අතුරු කමිටු පත් කිරීම නැවත් වූ සැනින් එම තහනමද ඉවත්වනු ඇති බවත් ශ්රී ලංකා ක්රිකට් නිලධාරීන්ගේ අදහස විය.උදා වී ඇති තත්ත්වය යටතේ ශ්රී ලංකා ක්රිකට් වෙත සේවක වැටුප් ගෙවීමේ සිට මේ දක්වා ක්රිකට් වෙනුවෙන් කළ වැයකිරීම් කරගෙන යාමට ප්රශ්නයක් පැන නොනඟින බවද ශ්රී ලංකා ක්රිකට් සභාපතිවරයා පෙන්වා දුන්නේය.
එම මාධ්ය හමුවේ සම්පූර්ණ වීඩියෝව මේ සමඟ ඉදිරිපත් කර ඇත.
