පාස්කු ප්‍රහාරය සම්බන්ධයෙන් මොහොම්මදු ඊබ්‍රහිම් මොහොම්මදු නව්ෆර් හෙවත් නවුෆර් මවුලවි ඇතුළු විත්තිකරුවන් 25 දෙනෙකුට එරෙහිව ගොණුකර ඇති නඩුව යළිකැඳවීමට කොළඹ ත්‍රිපුද්ගල මහාධිකරණ විනිසුරු මඩුල්ල නියෝග කර තිබේ.
ඒ අනුව එම නඩුව යළි කැඳවීම ජනවාරි 12 වැනිදාට නියම කර ඇත.
දමිත් තොටවත්ත, අමල් රණරාජා සහ නවරත්න මාරසිංහ යන මහත්වරුන්ගෙන් සමන්විත ත්‍රිපුද්ගල මහාධිකරණ විනිසුරු මඩුල්ල ඉදිරියේ එම නඩුව අද (23) කැඳවනු ලැබූ අවස්ථාවේදීයි මෙම නියෝගය අර ඇත්තේ.
මෙහිදී නව්ෆර් මව්ලවි ඇතුළු විත්තිකරුවන් දැඩි ආරක්ෂක විධිවිධාන මැද බන්ධනාගාර නිලධාරීන් විසින් අධිකරණයට ඉදිරිපත් කර තිබුණි.
කෙසේවෙතත් පාස්කු ප්‍රහාරය සම්බන්ධයෙන් වන විමර්ශන පිළිබඳව තවදුරටත් සෑහීමකට පත් නොවන බවයි මෙහි වින්දිත පාර්ශවයක් වන කතෝලික සභාව ප්‍රකාශ කරන්නේ.
ASK