රෂිකා හෙන්නායක නොවැම්බර් 24, කොළඹ (LNW):
පසුගිය 2024 මහ මැතිවරණයට අදාළ ආදායම් වියදම් වාර්තා භාරදීමට අපේක්ෂකයින්හට දෙසැම්බර් 6 වැනි දා දක්වා කාලය දී තිබේ.
දේශපාලන පක්ෂ හා ස්වාධීන කණ්ඩායම්, දිස්ත්‍රික් තේරීම් භාර නිලධාරීවරයාට එම වාර්තා ඉදිරිපත් කළ යුතු බව , ජාතික මැතිවරණ කොමිසම සඳහන් කළේය. දේශපාලන පක්ෂ වෙනුවෙන්, පක්ෂ ලේකම්වරයා විසින් ආදායම් වියදම් වාර්තා ලබාදිය යුතු බවද පැවසේ.
ස්වාධීන කණ්ඩායම් වෙනුවෙන් වාර්තා ඉදිරිපත් කළ යුත්තේ, එම කණ්ඩායමේ නායකයා වේ. ඒ අනුව මහ මැතිවරණ අපේක්ෂක ලැයිස්තුවේ නම් ඇති සියලුදෙනා, මැතිවරණ ආදායම් වියදම් වාර්තා ඉදිරිපත් කළ යුතු බව මැතිවරණ කොමිෂන් සභාව සඳහන් කළේ ය.එම වාර්තා ලබාදීම පැහැර හැරීම මැතිවරණ වියදම් නියාමන පනත යටතේ ගැණෙන වරදක් බව වැඩිදුරටත් සඳහන් වේ.
