රෂිකා හෙන්නායක නොවැම්බර් 24, ලෝකය (අවුට්බවුන්ඩ් ටුඩේ):
ඕස්ට්‍රේලියාවේ යොවුන් වියේ පසුවන්නන්ගේ සමාජ මාධ්‍ය තහනමට පෙර Snapchat වයස් පරීක්ෂාවන් ආරම්භ කර ඇති බව වාර්තා වේ.
ඕස්ට්‍රේලියාවේ ළමුන් සහ නව යොවුන් වියේ පසුවන්නන්ගෙන් ඔවුන්ගේ වයස සත්‍යාපනය කරන ලෙස Snapchat ඉල්ලා සිටීම ආරම්භ කර ඇති අතර, ඒ සඳහා රටේ බැංකු සතු මෘදුකාංග භාවිතා කරන ලෙසද ඉල්ලා ඇති බව, සමාගමේ ප්‍රකාශකයෙකු සඳහන් කරයි.
දෙසැම්බර් 10 වන දින සිට වයස අවුරුදු 16 ට අඩු ළමුන් සඳහා ලොව ප්‍රථම සමාජ මාධ්‍ය තහනමක් ක්‍රියාත්මක කිරීමට ඕස්ට්‍රේලියාව සූදානම් වන අතරතුර, අද (24) දින මෙම පියවර ගෙන තිබේ.
“බොහෝ ප්‍රධාන ඕස්ට්‍රේලියානු බැංකු සතු සහ භාවිතා කරන ConnectID, සංවේදී තොරතුරු උඩුගත කිරීමට සැලැස්වීමෙන් තොරව, ඔවුන්ගේ ගිණුම් විස්තර මත පදනම්ව පුද්ගලයා වයස අවුරුදු 16 ට වැඩිද යන්න පිළිබඳව තාක්ෂණික වේදිකාවට “ඔව්/නැත” සංඥාවක් යවන බවත්, මෙහි ඉලක්කය වන්නේ නව රහස්‍යතා අවදානම් නිර්මාණය නොකර තරුණයින් මාර්ගගතව ආරක්ෂා කිරීමයි,” ConnectID කළමනාකාර අධ්‍යක්ෂ ඇන්ඩෲ බ්ලැක් නිවේදනයක් නිකුත් කරමින් පැවසීය.
k-ID විකල්පය තුළ, පරිශීලකයින්ට ඔවුන්ගේ වයස් සත්‍යාපනය කිරීමට හෝ ඡායාරූප ඉදිරිපත් කිරීමට රජය විසින් නිකුත් කරන ලද හැඳුනුම්පත් උඩුගත කළ හැකි අතර, පසුව යෙදුම වයස් පරාසයක් ඇස්තමේන්තු කිරීමට භාවිතා කරනු ඇත.
Snapchat මීට පෙර පවසා තිබුණේ ඕස්ට්‍රේලියාවේ තම පරිශීලකයින්ගෙන් 440,000 ක් පමණ වයස අවුරුදු 13 ත් 15 ත් අතර අය බවයි.
Discord, WhatsApp, Lego Play සහ Pinterest ඇතුළු තවත් සමහර යෙදුම් තහනමෙන් ඉවත් කර ගැනීමට සමත් වී ඇති නමුත් නමුත් අවශ්‍ය පරිදි තහනම් වේදිකා ලැයිස්තුව යාවත්කාලීන කිරීමේ අයිතිය ඕස්ට්‍රේලියානු බලධාරීන් සතුය.
