ටෙලිකොම් සේවකයින් අද වැඩවර්ජනයක!

කොළඹLNW:අද (24) ශ්‍රී ලංකා ටෙලිකොම් සේඅකයින් සංකේත වැඩවර්ජනයක් ක්‍රියාත්මක කර තිබේ.

ඒ,ශ්‍රී ලංකා ටෙලිකොම් විකුණා දැමීමේ කුමන්ත්‍රණයට සහ සේවක අයිතිවාසිකම් කප්පාදුවට එරෙහිවයි.

වෘත්තීය සමිති 13ක් එක්ව ටෙලිකොම් වෘත්තීය සමිති පෙරමුණ ලෙස සංවිධාන ගතව මෙම විරෝධය දක්වන බවයි වාර්තා වන්නේ.

මෙම සංකේත වැඩ වර්ජනයට ටෙලිකොම් කාර්යාල වන HQ, OTS, CTO, GM Offices, DGM Offices, OPMC Offices, RTOM Offices, Teleshops, Call Centers, Training Centers ආදී සෑම ස්ථානයකම සියළුම සේවකයින් එක්ව සිටියි.

සියලු සේවකයින් පැමිණීම පිටවීම සටහන් නොකර මෙම සංකේත වැඩ වර්ජනයට එක්වීමට නියමිත අතර වැඩ වර්ජනයට එක්වෙන ටෙලිකොම් සේවක පිරිස් අද පෙ.ව. 9.00ට කොළඹ කොටුව ලෝටස් පාරේ ටෙලිකොම් මූලස්ථානය ඉදිරියට එකතු වීමටද නියමිතයි.

ශ්‍රී ලංකා ටෙලිකොම් පාඩු නොලබන ආයතනයක් ලෙස එය විකුණා දැමීමේ කිසිදු අවශ්‍යතාවක් නොමැති බවත් ආර්ථිකය දුෂ්කර අවස්ථාවක ජාතික ධනය උපයන ශ්‍රී ලංකා ටෙලිකොම් වැනි ආයතන රැකගත යුතුවන බවයි ටෙලිකොම් සේවකයින් අවධාරණය කරන්නේ.

ASK